Óskemende bomba jaıly habardyń tyıylmaýynan oqýshylar onlaınǵa kóshe me

ÓSKEMEN. QazAqparat – ShQ bilim basqarmasynyń basshysy Inessa Chernysheva Óskemende mektepterge bomba qoıylǵandyǵy jaıly habardyń tyıylmaı turǵandyǵynan balalardyń onlaın formatqa aýysýyna qatysty pikir bildirdi, dep habarlaıdy QazAqparat tilshisi.

Óskemende mekteptegi bomba jaıly alǵashqy habar 6 aqpanda túsken. Sodan keıin 9, 10, 13, 14, 15 aqpan kúnderi osyndaı jalǵan habar jasalyp otyrdy.

Bul kúnderdiń árqaısysynda ekinshi aýysymdaǵy birneshe mekteptiń oqýshylary qaýipsiz jerge kóshirilip, múlde sabaq oqyǵan joq.

Sebebi belgisiz bireýler jarylǵysh zat týraly habardy tústen keıingi ýaqytta berýde.

Sonyń saldarynan ata-analar oblystyq bilim basqarmasyna shaǵymdanyp jatyr.

Olar balalaryn mektepke jibergileri kelmeıtindigin aıtyp, qaladaǵy barlyq mektep oqýshylaryn qashyqtan oqytý formatyna aýystyrý qajettigin aıtyp otyr.

Osy máselege oraı atalǵan basqarma basshysy Inessa Chernysheva jaýap berdi.

«Eń áýeli úreıge berilmeı, sabyrlyq saqtaý mańyzdy. Árbir ata-ana úshin balasynyń ómiri, qaýipsizdigi jáne densaýlyǵy birinshi orynda ekendigin túsinemiz. Búginde basqarmanyń oqýshylardy qashyqtan oqytý formatyna kóshirýi úshin zańdyq negizder joq. Biraq sonda da ár mekteptegi ata-analar bul máseleni jeke sheshe alady. ıAǵnı, olar balasynyń qaýipsizdigine senimsiz bolsa mektep dırektoryna qashyqtan oqytýǵa kóshý týraly ótinish jazýlaryna bolady», - dep túsindirdi ol.

Eske salsaq, osyǵan deıin Óskemende sońǵy 10 kúnde mektepterge bomba qoıylǵany týraly altynshy habar túskenin habarlaǵan edik.