Óskemende bıyl qansha jańa tramvaı alynady

ÓSKEMEN. QazAqparat – Óskemen qalasynda osy jyly qoǵamdyq kólikter jańartylady, dep habarlaıdy QazAqparat tilshisi.

Qala ákimdiginiń málimetine súıensek, 2022 jyly 55 avtobýs jáne 5 tramvaı satyp alynbaq.

Sońǵy ret tramvaı parki osydan 75 jyl buryn jańartylǵan.

Sondaı-aq Myzy kóshesinen Qabanbaı batyr kóshesine deıingi aralyqtaǵy tramvaı joldaryn, 1959 jylǵy úlgidegi relsterin, kóshe jaryqtaryn aýystyra otyryp jóndeý josparlanyp otyr.

«Bıyl shahar boıynsha 10 jol ýchaskesi ortasha jóndeýden ótedi. Lopatıno araly aýdanyndaǵy Ertis ózeni arqyly ótetin kópirden Ahmer aýylyna deıingi kólik jolyn aıaqtap, Belınskıı, Karbyshev jáne Bazovaıa kóshelerin qaıta jóndeýdi bastaý kózdelýde», - delingen aqparatta.

Jaıaý júrginshilerdiń qaýipsizdigin qamtamasyz etý úshin qalanyń 11 kóshesinde trotýarlar jóndeýden ótedi.