Óskemende bıyl 22 mektep jóndeýden ótedi

ÓSKEMEN. QazAqparat – Óskemen qalasynda osy jyly 22 mektep jóndeýden ótedi, dep habarlaıdy QazAqparat tilshisi.

Qala ákimdiginiń málimetine súıensek, bıyl Óskemendegi birqatar bilim ordasynda jóndeý jumystary júrgizilmek.

«2022 jyly №2, 33 jáne 34 mektepteri kúrdeli jóndeýden ótedi. Sonymen qatar 19 bilim berý uıymyna aǵymdaǵy jóndeý jumystary júrgiziledi», - delingen aqparatta.

Osy jyly shaharda stýdentterge arnalǵan eki jataqhana salynyp bitedi.

Atap aıtqanda, 246 oryndyq bireýi qurylys kolledjiniń stýdentterine, 224 oryndyq ekinshisi kópsalaly tehnologııa kolledjiniń stýdentterine beriledi.

Esterińizge sala ketsek, osyǵan deıin Óskemende bıyl 266 myń sharshy metr turǵyn úı paıdalanýǵa beriletini habarlanǵan.