Óskemende birqatar mektepte oqýshylar úshinshi kún qatarynan sabaq oqı almaı otyr
ShQO polıtsııa departamenti baspasóz qyzmetiniń málimetine súıensek, búgin túski ýaqytta qaladaǵy birneshe mektepke bomba qoıylǵany týraly habar tústi.
«Mamandandyrylǵan qyzmetter dereý mektepterge kelip jetti. Bilim ordalarynyń qyzmetkerleri men oqýshylar qaýipsiz jerge kóshirildi. Qazirgi ýaqytta ǵımarattar ishi tekserilýde. Halyqtan sabyrlyq tanytýdy jáne engizilgen shekteýlerge túsinistikpen qaraýdy suraımyz», - delingen aqparatta.
Aıta keteıik, bul sońǵy 10 kúnde mektepterge bomba qoıylǵany týraly altynshy habar. Sonyń saldarynan apta bastalǵaly beri birneshe mektep oqýshylary sabaq oqı almaı otyr.
Eske salsaq, eń birinshi 6 aqpanda Óskemende sotqa jáne mektepke bomba qoıylǵany habarlanǵan.
Alaıda tekserý barysynda eshqandaı jarylǵysh zat tabylmady.
Keshe bomba jaıly habardan soń 23 mektepte oqýshylar sabaq oqymaǵan bolatyn.