Óskemende «Birqabatty Shyǵys» baǵdarlamasy aıasynda 54 úı salyndy
ShQO ákimi Danıal Ahmetov Óskemen irgesindegi 28 shaǵyn aýdanǵa baryp, «Birqabatty Shyǵys» baǵdarlamasy aıasynda salynǵan úılermen tanysty. Búginde osy baǵdarlama arqyly 54 úı boı kóterdi.
«Taǵy 1000-nan astam jer ýchaskesi daıyn tur. Barlyq qajetti ınjenerlik ınfraqurylym júıesi, atap aıtqanda joldar, balalar alańdary qarastyrylǵan. Kóktemde jerasty sýy deńgeıiniń ósýine baılanysty qıyndyqtar týyndaǵany ras. Endi arnaıy qujattar daıyndalyp, barlyq qajetti jóndeý jumystardy bastalady. Sondaı-aq osyndaı jaǵdaı qaıtalanbas úshin qosymsha geologııalyq zertteýler de júrgiziledi», - dedi oblys ákimi.
Onyń aıtýynsha, qajet bolǵan jaǵdaıda jerasty sýyn burý tehnologııasy qoldanylady.
«Shaǵyn aýdanda mektep, úsh balabaqsha jáne júz oryndyq emhana salý josparlanǵan. Sonymen qatar aýdandaǵy úılerdiń jobalary ártúrli bolýy úshin ózge jobalardy daıyndaýdy tapsyrdym. Salynǵan 54 úı óte yńǵaıly ári zamanaýı. Jaqyn arada bul oblys ortalyǵyndaǵy eń perspektıvti aýdandardyń birine aınalady», - dedi Danıal Ahmetov.
Esterińizge sala ketsek, osyǵan deıin Almatyda 5 jyl buryn izdeý jarııalanǵan kúdikti ShQO-da ustalǵanyn habarlaǵan edik.