Óskemende aıazǵa baılanysty 1-11 synyp oqýshylary mektepke barmaıdy

ÓSKEMEN. QazAqparat – Óskemen qalasynda aıazǵa baılanysty 1-11 synyp oqýshylary qashyqtan oqıdy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, dál qazir Óskemende aýa temperatýrasy 34 gradýsqa deıin tómendegen. Soǵan oraı qalalyq Bilim bólimi tańerteń oqýshylardyń mektepte barmaıtyndyǵyn habarlady.

«Qala boıynsha birinshi aýysymdaǵy 1-11 synyp oqýshylary sabaqta onlaın oqıdy. Ekinshi aýysymnyń qalaı oqıtyny keıinirek habarlanady», - delingen aqparatta.

Aıta keteıik, «Qazgıdromet» RMK ShQO fılıalynyń dereginshe, 28 qarashada oblystyń soltústik-shyǵysynda synap baǵany 42 gradýsqa deıin tómendeıdi.

Aıta keteıik, 28 qarasha kúni Astana mektepteriniń birinshi aýysymynyń oqýshylary da qashyqtan oqıdy.