ÓSKEMEN. KAZINFORM – Óskemen qalasynda jyly aıaldama pavılonynan adam máıiti tabyldy.
ShQO Polıtsııa departamenti baspasóz qyzmetiniń málimetine súıensek, tártip saqshylaryna qaladaǵy Nazarbaev dańǵylynda ornalasqan jyly aıaldama pavılonynda adam máıiti jatqandyǵy týraly habar tústi.
«Polıtseıler oqıǵa ornyna shuǵyl kelip jetti. Pavılon ishinen er azamattyń máıiti tabyldy. Boljam boıynsha ol turǵylyqty mekenjaıy joq adam. Onyń naqty neden kóz jumǵany ázirge belgisiz», - delingen aqparatta.
Qazirgi ýaqytta tıisti saraptamalar taǵaıyndalǵan. Vedomstvo dereginshe, ózge aqparat jarııa etilýge jatpaıdy.
Talǵatjan Muhametbekuly
Óskemendegi S.Amanjolov atyndaǵy ShQÝ-dy "Jýrnalıstıka" mamandyǵy boıynsha támamdaǵan. Eńbek jolyn 2015 jyly ShQO "Aldaspan" gazetinde tilshi bolyp bastady. ShQO "Meniń ólkem" gazetinde tilshi, respýblıkalyq "Jas qazaq", "Zań" gazetterinde Shyǵys Qazaqstan oblysy boıynsha menshikti tilshi, ShQO "Meniń ólkem" gazetiniń bas redaktory qyzmetterin atqarǵan. Kazinform agenttiginde 2021 jyldan beri jumys istep keledi.