Óskemende avtokólik eksportynyń máseleleri talqylandy

ÓSKEMEN. QazAqparat - Óskemen qalasynda aımaqtyń iri óndirýshileriniń biri «Azııa Avto» AQ ónimderdi eksporttaý kezinde týyndaıtyn ózekti máseleleri talqylandy, dep habarlaıdy QazAqparat QR IIDM Tehnıkalyq rettý jáne metrologııa komıtetine silteme jasap.

Jıyn eksporttyq taýarlardy óndirýshilerdi aımaqtyq shtab alańy arqyly eksporttaý eliniń zańnamasynyń talaptaryn habarlaý maqsatynda uıymdastyryldy.

«Kezdesý eksportty ilgeriletýge baǵyttalǵan «memst- komek» iske asyrý josparyn eńgizý sheńberinde ótti», dep komıtettiń Shyǵys Qazaqstan oblysy boıynsha departament basshysy Baqytqan Qunafııanov.

Onyń aıtýynsha, eksporttyq ónimderdi shyǵaratyn kásiporyndardy qoldaý jáne tehnıkalyq kedergilerdi joıý úshin jaǵdaı jasaý komıtettiń jumysynda basymdy baǵyttyń biri.

Óndirilgen avtokólikterdi Qytaıǵa, Ózbekstanǵa, Túrikmenstanǵa, Iranǵa, Irakka, EAEO elderine eksporttaýdan týyndaıtyn másileler boıynsha sapa jónindegi dırektor Suńǵat Búrkitov sóıledi.

«Eń bastysy - EAEO sertıfıkattaý qujattaryn jáne Jeneva kelisimimen shyǵarylǵan eýropalyq omologatsııa qujattaryn QHR sertıfıkattaý jónindegi mekemeleri tqabyldamaıdy. Sonymen qatar sertıfıkattaýdyń qymbatshylyǵy jáne onyń uzaqtyǵy 1 jylǵa deıin sozylý máselesi bar», - dedi ol.

Sapa jónindegi dırektor qazirgi ýaqytta qýattylyqty baǵalaý jáne motordy avtokólik quraldaryn óndirýdiń lokalızatsııasyn baǵalaýdyń biryńǵaı ádistemesi joq ekenin atap ótti.

Basqosýda Joǵary Eýrazııalyq ekonomıkalyq keńestiń 2014 jylǵy 29 mamyrdaǵy № 72 «Keden odaǵy men Birtutas ekonomıkalyq keńistikke múshe memleketter aýmaǵynda «avtokólik quraldaryn ónerkásiptik jınaý» kontseptsııasyn qoldaný sharttary týraly» sheshiminiń erejeleri talqylandy.

Kezdesý qorytyndysy boıynsha departament basshysy barlyq suraqtar men usynystar tıisti organǵa sheshim qabyldaý úshin jiberiletindigin habarladyú Usynymdar QR IIDM Tehnıkalyq retteý jáne metrologııa komıtetine de joldanady.