Óskemende aýlada marıhýana shegip otyrǵan jigit «Sergek» kamerasyna túsip qaldy
ShQO polıtsııa departamenti baspasóz qyzmetiniń málimetine súıensek, esirtki paıdalanǵandy degen kúdikpen 21 jastaǵy Óskemen turǵyny ustaldy.
Quqyq buzýshy «Sergek» kesheniniń kamerasyna túsip qalǵan.
Beınebaqylaý kamerasy zańsyz áreketti tirkegennen keıin birneshe mınýt ishinde tártip saqshylary kelip jetti.
Polıtseılerdi kóre salysymen jigit esirtkiden qutylýǵa asyqqan. Saraptama nátıjesinen er adamnyń marıhýana shekkeni anyqtaldy.
«Polıtseıler quqyq buzýshydan folgasy bar plastıkalyq bótelke men ótkir ıisi bar qońyr-jasyl tústi ósimdik tektes zat salynǵan qaǵaz oramany tárkiledi. Bul jalpy salmaǵy 1,51 gramm keptirilgen marıhýana bolyp shyqty», - delingen aqparatta.
Atalǵan fakti boıynsha QR QK-niń 296-baby 2-bóligine (Esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý) sáıkes sotqa deıingi tergeý amaldary júrip jatyr.
Foto: polisia.kz