Óskemende arzan kókenister satatyn 20 pavılony ashylady

ÓSKEMEN. QazAqparat – Óskemen qalasynda turaqtandyrý qorynyń 20 pavılony ashylady, dep habarlaıdy QazAqparat tilshisi.

Qala ákimdiginiń málimetine súıensek, turǵyndar arasynda turaqtandyrý qorynyń pavılondaryna degen suranys artyp keledi. Onda áleýmettik mańyzy bar taýarlar arzandatylǵan baǵamen satylýda. Máselen, kókónis ónimderiniń quny 82 teńgeden aspaıdy.

«Qazirgi ýaqytta Óskemende 18 pavılon jumys istep tur. Aldaǵy ýaqytta taǵy altaýy ashylady dep kútilýde. Sondaı-aq áleýmettik saýda oryndaryn ornalastyrý úshin qalanyń ár aýdanynan qosymsha 14 jer telimi aıqyndaldy. Atalǵan ýchaskelerdi jobalaý boıynsha tıisti jumystardy júrgizý úshin «Ertis» áleýmettik-kásipkerlik korporatsııasyna sol tizim jiberildi», - dedi shahar basshysy Jaqsylyq Omar.

Aıta keteıik, búginde qala boıynsha saýda úılerinde, dúkenderde, turaqtandyrý qorynyń pavılondarynda áleýmettik mańyzy bar azyq-túlik baǵasynyń qymbattaýyna jol bermes úshin turaqty túrde monıtorıng júrgizilýde.