Óskemende «alyp baýyrsaqtardyń» baıqaýy ótti

ÓSKEMEN. QazAqparat - Óskemende Naýryzǵa arnap daıyndalǵan alyp baýyrsaqtardyń baıqaýy ótti. «Qaztsınk» JShS uıymdasyrǵan baıqaýdyń jeńimpazy led-ekrandy teledıdar utyp aldy, dep habarlaıdy QazAqparat tilshisi.

Jyl saıyn ótetin bul baıqaýdyń bıylǵy jeńimpazyna «Samsýng» teledıdary beriletini habarlanǵan bolatyn. Baıqaýdyń aqtyq synyna alty úmitker shyqty. Basty shart - baýyrsaq úlken ári jeýge jaramdy bolýy kerek. Borıs Aleksandrov atyndaǵy Sport saraıynyń alańyna jınalǵan jurt alyp baýyrsaqtardyń kózben kórip qana qoımaı, dámin de tatty. Uıymdastyrýshylar baıqaýǵa usynylǵan baýyrsaqtardyń kólemin syrtynan jippen oraý arqyly ólshedi. Osy ólsheýler nátıjesinde Natalıa Dıatlova daıyndaǵan salmaǵy alty keli, dıametri 90 santımetr baýyrsaq eń irisi bolyp tanyldy.