Óskemende alyp qyz bala dúnıege keldi

<p>ÓSKEMEN. KAZINFORM &ndash; Óskemen qalasynda alyp qyz bala dúnıege keldi.</p>

ShQO Densaýlyq saqtaý basqarmasy baspasóz qyzmetiniń málimetine súıensek, Ana men bala ortalyǵynda kindigi kesilgen shaqalaqtyń salmaǵy – 6 keli 180 gramm, boıy 57 – sm. Qyz balany anasy tabıǵı jolmen bosanǵan.

«Osymen tórtinshi balasyn dúnıege alyp kelgen áıel 33 jasta. Mundaı jaǵdaı oblys qana emes, respýblıka kóleminde sırek kezdesedi. Shaqalaqtyń da, anasynyń da jaǵdaıy jaqsy», – deıdi bosandyrý bóliminiń meńgerýshisi Jadyra Dıýsýpova.

Bul bıyl óńir kóleminde týǵan tuńǵysh alyp bala. Al Óskemendegi Ana men bala ortalyǵynda osy jyldyń 3 aıynda dúnıege kelgen eń kishkentaı balanyń salmaǵy – 730 gramm. Qazir ol Reanımatsııa jáne ıntensıvti terapııa ortalyǵyna jatqyzylǵan.