Óskemende alǵash ret naýqasqa «tamaqtyń hımııalyq kúıigi» dıagnozy qoıyldy

<p>ÓSKEMEN. KAZINFORM &ndash; Sońǵy kúnderi ekologııalyq jaǵdaıy ýshyǵyp ketken Óskemen qalasynda alǵash ret naýqasqa &laquo;tamaqtyń hımııalyq kúıigi&raquo; dıagnozy qoıyldy.</p>

20 qarasha men 1 jeltoqsan aralyǵynda Óskemende qolaısyz meteorologııalyq jaǵdaı qalyptasyp, qala ishin tútin tumshalap alǵan bolatyn. Halyq tamaǵy kúıip, basy aýyryp, júregi aınyp, dem alý qıyndap ketkenine shaǵymdandy. Sarapshylar buǵan aýanyń lastanýy sebep bolyp otyrǵanyn da aıtqan.

Byltyr kóktemde «tamaqtyń hımııalyq kúıigi» dıagnozy engizilgenimen sol ýaqyttan beri birde-bir naýqasqa qoıylǵan joq. Biraq sońǵy kúnderi ekologııalyq jaǵdaı ýshyǵyp ketkende 2 naýqasqa osyndaı dıagnoz qoıylyp, seń qozǵaldy. Bul qala tarıhynda birinshi ret bolyp otyr.

- Halyqaralyq aýrýlar klassıfıkatsııasy (ICD-10) boıynsha J68 dıagnozy qoıyldy. ıAǵnı, «Hımııalyq áserden tynys alý joldarynyń zaqymdanýy». Dárigerlerge hımııalyq áser men ádettegi ınfektsııanyń arajigin ajyratý ońaı emes. Sebebi sımptomdary óte uqsas. Sol úshin terapevtterdi, LOR mamandaryn, pedıatrlardy oqytyp, biliktilikterin arttyryp jatyrmyz, - deıdi ShQO densaýlyq saqtaý basqarmasynyń basshysy Tólegen Jigitaev.

Eske salsaq, osyǵan deıin Óskemende halyq tunshyǵyp, al sarapshylar aýa sapasynyń monıtorıngi sylbyr júrgiziletinin synaǵany habarlanǵan. 

Sondaı-aq qalada ekologııa jaǵdaıyn jaqsartý úshin arnaıy uıym qurylmaq.