Óskemende áldekim birneshe mektepke bomba qoıylǵanyn habarlady

ÓSKEMEN. QazAqparat – Óskemen qalasynda polıtsııaǵa birneshe mektepke bomba qoıylǵany týraly habar tústi, dep habarlaıdy QazAqparat tilshisi.

Búgin tártip saqshylaryna Óskemendegi mektepterge bomba qoıylǵany týraly habarlanǵan. Qazirgi ýaqytta sol jerlerde tekserý júrgizilip jatyr.

«8 qarashada polıtsııaǵa birneshe mektepke jarylǵysh zat qoıylǵany týraly habar tústi. Oqıǵa ornyna birden mamandandyrylǵan qyzmet ókilderi kelip jetti. Qazirgi ýaqytta oqý oryndary tolyqqandy tekserilip jatyr», - dep habarlady ShQO polıtsııa departamentiniń baspasóz qyzmeti.

Vedomstvo dereginshe, mektepterdiń qyzmetkerleri men oqýshylary evakýatsııalanǵan.