Óskemende alaıaqqa aldanǵan er adam úıinen aıyryldy

ÓSKEMEN. QazAqparat – Óskemen qalasynda alaıaqqa aldanǵan áıel úıinen aıyryldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, polıtsııaǵa júgingen 19 jastaǵy azamat ózin aldap soqqan kórshisiniń jataqhanadaǵy bólmesin ıelenip alǵanyn jetkizdi. Osynyń saldarynan jábirlenýshige 3 500 000 teńge mólsherinde materıaldyq zalal keltirilgen.

«Jedel-izdestirý sharalaryn júrgizgen polıtsııa qyzmetkerleri 27 jastaǵy kúdiktini ustady. Belgili bolǵandaı, áıel adam zardap shegýshiniń psıhonevrologııalyq esepte turatynyn bile tura, oǵan múlikti satýǵa senimhat jazdyryp alǵan. Keıin qolyndaǵy qujat arqyly kórshisiniń jyljymaıtyn múlkin satyp jiberdi», - delingen aqparatta.

Qazirgi ýaqytta ustalǵan áıelge qatysty QR QK-niń 190-baby 3-bóligine (Alaıaqtyq) sáıkes sotqa deıingi tergeý amaldary júrgizilip jatyr.