Óskemende alaıaq qyz qurbylarynyń atynan 9 mln teńge nesıe alǵan

<p>Óskemen qalasynda qurbylarynyń atynan 9 mln teńge nesıe alǵan qyz ustaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

ShQO polıtsııa departamenti baspasóz qyzmetiniń málimetine súıensek, polıtsııaǵa júgingen 23 jastaǵy qala turǵyny alaıaqtyqqa tap bolǵanyn jetkizdi.

Óz sózinde ol qurbysynyń aldap, 3 200 000 teńgeden astam somaǵa onlaın nesıe resimdegenin aıtty.

Jábirlenýshi nesıe týraly bank qyzmetkerleri qońyraý shalǵan kezde ǵana bilgen.

Aryz túsken soń tártip saqshylary jedel-izdestirý sharalaryna kiristi.

Sonyń nátıjesinde 22 jastaǵy kúdikti ustalyp, bólimshege jetkizildi.

Tergeý barysynda qyzdyń osyǵan uqsas taǵy 2 alaıaqtyq jasaǵany anyqtaldy.

«Ol eki qurbysynan qońyraý shalyp alý úshin uıaly telefonyn surap, keıin bank qosymshasy arqyly 1 jáne 5 mln teńgege nesıe rásimdep, aqshany óz shotyna aýdarǵan. Qazirgi ýaqytta QR QK-niń 190-baby 2-bóligine (Alaıaqtyq) sáıkes sotqa deıingi tergeý amaldary júrip jatyr», - delingen aqparatta.