Óskemende alaıaq bireýdiń páterin 3 mln teńgege satyp jibergen

ÓSKEMEN. QazAqparat – Óskemen qalasynda ózgeniń páterin 3 mln teńgege satyp jibergen alaıaq ustaldy, dep habarlaıdy QazAqparat tilshisi.

Qalalyq polıtsııa basqarmasy baspasóz qyzmetiniń málimetine súıensek, Ertis polıtsııa bólimshesine 48 jastaǵy qala turǵyny júgingen.

Óz sózinde ol páter satatynyn aıtyp sendirgen tanysyna 3 mln teńge bergenin jetkizdi.

«Alaıaq er adamǵa páterdi arzan baǵamen satatyndyǵyn aıtqan. Qolynda turǵyn úı qujattary bolmaǵan ol jalǵan qujat jasatty. Jábirlenýshi buǵan senip, suraǵan aqshany bergennen keıin páter ıeleri kelip, úıdiń satylmaǵanyn habarlaǵan», - dedi basqarma bastyǵy Andreı Mýla.

Atalǵan fakti boıynsha polıtsııa qyzmetkerleri 52 jastaǵy qala turǵynyn ustady.

Óz kinásin tolyq moıyndaǵan ol aqshany jumsap úlgergen.

Qazirgi ýaqytta polıtseıler QR QK-niń 190-baby 1-bóligine (alaıaqtyq) sáıkes sotqa deıingi tergeý amaldaryn júrgizýde.