Óskemende ál-Farabıdiń 1150 jyldyǵyna oraı VIII respýblıkalyq qysqy Ýnıversıada ótýde
Jarys shymyldyǵyn Prezıdenttik kópsaıysqa qatysýshy stýdentter ashty. Ýnıversıadaǵa barlyǵy 12 ýnıversıtettiń ókilderi kelgen. Birneshe kezeńnen turatyn saıys úsh kúnge sozylmaq. Bul sharany uıymdastyrýdaǵy basty maqsattardyń biri - Shveıtsarııanyń Lıýtsern qalasynda ótetin XXX qysqy Ýnıversıada oıyndaryna el namysyn qorǵaıtyn eń jaqsy sportshylardy irikteý.
«Barlyq sportshylarǵa sáttilik tileımin. Shyǵys Qazaqstan oblysy men ShQMTÝ ýnıversıtetine osy dodany uıymdastyrýǵa qoldaý bildirgeni úshin alǵys bildirgim keledi», - dedi QR Bilim jáne ǵylym mınıstrligi Ulttyq ǵylymı-praktıkalyq dene tárbıesi ortalyǵynyń bas dırektory Sadyq Mustafaev Ýnıversıadanyń ashylý saltanatynda.
Aıta keteıik, birinshi kúni shańǵy sportynan jarystar ótken. Onda baǵyndyrar meje qyzdar úshin – 3 shaqyrym, jigitter úshin – 5 shaqyrym boldy.