Óskemende «Abaı álemin ashý» kitabynyń tusaýkeseri ótti
21:22, 13 Aqpan 2020
ÓSKEMEN. QazAqparat - Shyǵys Qazaqstan oblystyq Óner mýzeıinde «Abaı álemin ashý» kitabynyń tusaýkeseri ótti, dep habarlaıdy QazAqparat.
Abaıdyń 175 jyldyǵyna oraı búgin atalmysh mýzeıdiń ekspozıtsııalyq kórme sektorynyń meńgerýshisi Larısa Martynovanyń «Abaı álemin ashý» atty kitabynyń tusaýy kesildi. Úsh tilde jaryq kórgen bul kitap óner oshaǵynyń qoryndaǵy uly aqyn jaıly oblys sýretshileri salǵan týyndylar týraly syr shertedi.
«Osy jyldyń tamyz aıynda Semeı qalasy men Abaı aýdanynyń ortalyǵy Qaraýyl aýylynda hákim mereıtoıy halyqaralyq deńgeıde atap ótilmek. Sondaı-aq 10 memlekettiń sýretshileri qatysatyn halyqaralyq plener uıymdastyrylady. Biz bul kitapty sol plener qatysýshylaryna tanystyrýdy josparlap otyrmyz. Úsh tilde shyǵarylǵan týyndy uly aqyn jaıly bilmeıtin sheteldik sýretshilerge oqý quraly ispettes», – deıdi ShQO Óner mýzeıiniń qyzmetkeri Tolqyn Tetepova.