Óskemende «Abai175» belgisimen 500 avtokólik qurastyrylady

ÓSKEMEN. QazAqparat – Óskemen qalasynda uly aqynnyń mereıtoıyna oraı «Abai175» belgisimen avtokólikter shyǵaryldy, dep habarlaıdy QazAqparat tilshisi.

«Azııa Avto» AQ osyndaı serııamen «LADA Granta» markaly 500 kólik shyǵarmaq. Mundaı kólikter aqpan aıynyń sońyna qaraı satylymǵa qoıylady dep josparlanýda.

«Abaıdyń 175 jyldyǵy aıasynda kólik serııasyn shyǵaryp otyrmyz. Sondaı-aq ár kólikke syılyq retinde «Abaıdyń qara sózderi» jınaǵy beriledi», - deıdi aktsıonerlik qoǵamnyń bas dırektory Erik Saǵymbaev.

Aıta keteıik, aqynnyń mereıtoıyna oraılastyrylǵan alǵashqy mashınalardyń tanystyrylymyna Óskemen qalasynyń ákimi Jaqsylyq Omar qatysty.

Sondaı-aq osyǵan deıin Óskemende «Bizdiń Abaı» ádebı tramvaıynyń jolǵa shyqqanyn habarlaǵan bolatynbyz.