Óskemende 7 jasar qyzdy qaýyp alǵan ıttiń ıesi izdestirilip jatyr

<p>Óskemen qalasynda 7 jasar qyzdy qaýyp alǵan ıttiń ıesi izdestirilýde, dep habarlaıdy <a href="Kazinform" target="_blank" rel="noopener">Kazinform</a>.</p>

Oqıǵa 5 qarasha kúni qala irgesindegi Ablaketka shaǵyn aýdanynda bolǵan. Belgisiz er adam ıtin jipsiz, tumyldyryqsyz serýendetip júrgen. Sol kezde ıt qarshadaı qyzdy kórip júgire jóneldi.

«Fızkýltýrnaıa kóshesindegi saıabaqta ıt 7 jasar qyzdy qaýyp aldy. Anasy birden balany aýrýhanaǵa aparyp, polıtsııaǵa habar berdi. Atalǵan fakti Óskemen qalasy Polıtsııa basqarmasy Ertis polıtsııa bóliminiń esep kitabyna tirkelgen. Qazirgi ýaqytta ıt ıesiniń kim anyqtaý maqsatynda izdestirý sharalary júrgizilýde», - dep habarlady ShQO Polıtsııa departamentinen.

Osy rette, polıtsııa qyzmetkerleri oqıǵa kýágerleri bolsa «102» jedel arnasyna habarlasýdy suraıdy.