Óskemende 60 jastaǵy áıel sýǵa batyp ketti

ÓSKEMEN. QazAqparat – Óskemen qalasynda 60 jastaǵy áıel sýǵa batyp ketti, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 30 sáýir kúni saǵat 13.30 shamasynda qutqarýshylarǵa Ertis ózeninde áıel adamnyń aǵyp kele jatqany týraly habar tústi.

«Úsh qaıyqqa mingen jedel qutqarý jasaǵynyń qyzmetkerleri dereý oqıǵa ornyna jetti. 10 adamnan turatyn jeke quram jaǵalaýǵa barlaý júrgizgen. Sonymen qatar izdestirý jumystaryna patrýldik polıtseıler de kómek kórsetti. Kóp uzamaı 60 jastaǵy áıel adamnyń denesi tabyldy. Qazirgi tańda onyń jeke basy anyqtalyp jatyr», - dep habarlady vedomstvo ókilderi.

Osy rette, departament mamandary óńir jurtshylyǵyna sý jaǵasynda barynsha abaı bolý qajettigin eskertedi.