Óskemende 5 kólik janyp kete jazdady

<p>ÓSKEMEN. KAZINFORM — Óskemen qalasynda qutqarýshylar órt shyqqan garaj boksynan 5 kólikti shyǵaryp úlgerdi.</p>

ShQO tótenshe jaǵdaılar departamenti baspasóz qyzmetiniń málimetine súıensek, oqıǵa 24 qarasha kúni tańerteń Astafev kóshesinde bolǵan. 

«Kóshe boıyndaǵy garaj boksynda órt shyqqan. Oqıǵa ornyna órt sóndirýshiler shuǵyl kelip jetti. Olar ot sharpyǵan aýmaqtan 5 avtokólik pen bir gaz ballonyn shyǵaryp úlgerdi», — dep habarlady vedomstvo ókilderi. 

Kóp uzamaı jalpy aýdany 30 sharshy metrdi quraǵan tilsiz jaý tolyqtaı aýyzdyqtaldy. Zardap shekken eshkim joq. 

Órttiń shyǵý sebebi — peshti ornatý jáne paıdalaný kezinde qaýipsizdik erejelerin buzý.

Eske salsaq, osyǵan deıin SQO-da jylytý maýsymy bastalǵaly órtten 8 adam mert bolǵany habarlanǵan.