Óskemende 4 naýqasqa «tamaqtyń hımııalyq kúıigi» dıagnozy qoıyldy

<p>ÓSKEMEN. KAZINFORM &ndash; Óskemen qalasynda dárigerler &laquo;tamaqtyń hımııalyq kúıigi&raquo; dıagnozyn 4 naýqasqa qoıdy.&nbsp;</p>

Qarasha aıynan beri Óskemende ekologııalyq jaǵdaı ýshyǵyp ketti. Jel soqpaı, qaıta-qaıta qolaısyz meteorologııalyq jaǵdaı qalyptasyp, qala ishin tútin basty. Sol ýaqyttan beri dárigerlerge qaralǵan naýqastar kóbeıgen. Qarasha aıynda emhanalarǵa barǵan halyq sany 11 paıyzǵa artsa, jeltoqsan bastalǵaly beri de tamaǵy aýyrǵandar sany azaımaı tur. 

ShQO densaýlyq saqtaý basqarmasynyń málimetine súıensek, qazir 4 adamǵa «tamaqtyń hımııalyq kúıigi» dıagnozy qoıylǵan. Bul dıagnoz byltyr kóktemde engizilgenimen sol ýaqyttan beri birde-bir naýqasqa qoıylmaǵan edi. 

«Medıtsına qyzmetkerleri osy klınıkalyq hattamany qoldanýdy úırenip jatyr. Bul dıagnoz murynmen tynys alý qıyndasa, tamaq aýyryp, kúıip, qurǵaq jótel bolsa qoıylýy múmkin. Sonymen qatar naýqas hımııalyq zattardyń áseri bar jerde júrgen bolýy kerek. ıAǵnı, dáriger odan qaı jerde, qansha ýaqyt júrgenin suraıdy», - delingen aqparatta. 

Eske salsaq, osyǵan deıin Óskemende alǵash ret naýqasqa «tamaqtyń hımııalyq kúıigi» dıagnozy qoıylǵany habarlanǵan.