Óskemende 4-qabattan qulaǵan jasóspirim sýıtsıd jasamaq bolǵan

<p>Óskemen qalasynda 4-qabattyń terezesinen qulaǵan oqýshy qyz sýıtsıd jasamaq bolǵan, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Eske salsaq, keshe Nazarbaev dańǵylynda tórtinshi qabattaǵy terezeden qulaǵan 14 jastaǵy jasóspirimdi jedel járdem qyzmetkerleri Ana men bala ortalyǵyna jetkizgeni habarlanǵan. Balanyń bas súıegi jaralanyp, jilinshigi synyp ketken. 

ShQO Polıtsııa departamenti baspasóz qyzmetiniń málimetine súıensek, qazirgi ýaqytta atalǵan fakti boıynsha tergeý bastaldy.

- Úlbi polıtsııa bólimi kámeletke tolmaǵan qyzdyń óz-ózine qol jumsamaq bolý áreketi boıynsha sotqa deıingi tergeý júrgizýde. Oqıǵanyń barlyq mán-jaıy anyqtalyp jatyr. Basqa málimetter tergeý múddesine sáıkes úshin jarııalanbaıdy, - delingen aqparatta.

Aıta keteıik, naýqas qazir Óskemendegi Ana men bala ortalyǵynyń jansaqtaý bóliminde jatyr. Onyń jaǵdaıy aýyr dep baǵalanýda.