ÓSKEMEN. KAZINFORM – Óskemen qalasynda 3 aı buryn joǵalyp ketken qart kisiniń denesi tabyldy.
ShQO Polıtsııa departamenti baspasóz qyzmetiniń málimetine súıensek, 74 jastaǵy azamat qala irgesindegi Sogra kentinde turǵan. Úıinen belgisiz baǵytta shyǵyp sol kúıi habarsyz ketken. Ony sońǵy ret aýyldastary 7 qańtar kúni saǵat 16:30 shamasynda kórdi.
Jedel-izdestirý sharalaryna polıtseıler men volonterler tartyldy. Alaıda sol kezde ony tabý múmkin bolmady.
«Zeınetkerdiń denesi Sogra kentindegi ashyq aýmaqtan tabyldy. Qazirgi ýaqytta onyń neden kóz jumǵany belgisiz. Tıisti saraptamalar taǵaıyndaldy», - delingen aqparatta.
Talǵatjan Muhametbekuly
Óskemendegi S.Amanjolov atyndaǵy ShQÝ-dy "Jýrnalıstıka" mamandyǵy boıynsha támamdaǵan. Eńbek jolyn 2015 jyly ShQO "Aldaspan" gazetinde tilshi bolyp bastady. ShQO "Meniń ólkem" gazetinde tilshi, respýblıkalyq "Jas qazaq", "Zań" gazetterinde Shyǵys Qazaqstan oblysy boıynsha menshikti tilshi, ShQO "Meniń ólkem" gazetiniń bas redaktory qyzmetterin atqarǵan. Kazinform agenttiginde 2021 jyldan beri jumys istep keledi.