Óskemende 19 jastaǵy jigit kópirden sekirip ketti

ÓSKEMEN. QazAqparat – Óskemen qalasynda sýıtsıd jasamaq bolǵan er adam kópirden sekirdi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, oqıǵa 20 tamyzda Óskemen qalasynda bolǵan. Qutqarýshylarǵa er adamnyń Ertis ózenindegi kópirden sekireıin dep turǵany týraly habar tústi. Oqıǵa ornyna jedel-qutqarý jasaǵynyń qyzmetkerleri shuǵyl kelip jetti.

«Sanaýly mınýtta qaıyqpen jetken qutqarýshylar kópirde polıtsııa qyzmetkerleriniń sýıtsıd jasamaq bolǵan adamdy sózge tartyp, raıynan qaıtarmaqshy bolyp turǵanyn kórdi. Kenetten ol sýǵa sekirip ketken», - dep habarlady vedomstvo ókilderi.

TJD qyzmetkerleri lezde júzip baryp, sýǵa qutqarý sheńberin laqtyrdy. Alaıda jigit oǵan qaramady. Sol kezde olar qaıyqpen janyna kelip, sýdan alyp shyqty.

Kóp uzamaı qutqarýshylar 19 jastaǵy jigitti jaǵalaýǵa jetkizip, jedel járdem dárigerlerine tapsyrdy.