Óskemende 19 jastaǵy qyz tórt kúnnen beri tabylmaı jatyr

ÓSKEMEN. QazAqparat – Óskemen qalasynda úıden shyǵyp ketken jas qyz iz-túzsiz joǵaldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, 19 jastaǵy Nadejda Korotkovanyń tabylmaı jatqanyna 4 kún boldy.

«28 mamyr kúni úıden belgisiz baǵytta shyǵyp ketken ol sol kúıi qaıtyp oralmady. Ata-anasy bul týraly polıtsııaǵa tek 31 mamyrda habarlaǵan. Birden polıtsııa qyzmetkerleri izdestirý sharalaryna kiristi», - delingen aqparatta.

Úıden shyqqanda ol qoıý kók djınsy shalbar men qyzǵylt sary kúrtke kıgen.

«Joǵalǵan qyz áli tabylmaı jatyr. Qazirgi ýaqytta onyń barýy múmkin degen meken-jaılar túgel tekserilýde. Nadejda Korotkovanyń qaıda ekendigi týraly málimet biletinderden «102» jedel arnasyna habarlasýyn suraımyz», - delingen habarlamada.