Óskemende 1880 bir rettik veıpti zańsyz satpaq bolǵandar anyqtaldy

Óskemen qalasynda jalpy baǵasy 8 mln teńgeden asatyn 1880 bir rettik veıpti zańsyz satpaq bolǵandar anyqtaldy, dep habarlaıdy QazAqparat tilshisi.

Shyǵys Qazaqstan oblysy boıynsha Memlekettik kirister departamentiniń málimetine súıensek, Óskemendegi 4 saýda orny men dúkenge bir rettik elektrondyq sıgaretter jáne osyǵan uqsas ónimderdi zańsyz satýdyń aldyn alý úshin tekserý júrgizildi.

«Sonyń nátıjesinde, atalǵan temeki ónimderin sáıkestendirý quralynsyz ótkizý faktisi anyqtaldy. Jalpy baǵasy 8 mln 303 myń teńgege baǵalanǵan 1880 dana bir rettik veıp pen nıkotıny bar suıyqtyqtar tárkilendi. Osy buzýshylyq úshin QR ÁQBtK-niń 283-baby 2-bóligimen jaýapkershilik kózdelgen. Bul baptyń sanktsııasynda quqyq buzýshylyqqa qatysty taýarlardy tárkileı otyryp, 50-den 500 AEK-ke deıingi mólsherde aıyppul salý jazasy qarastyrylǵan. Qajetti sharalar sot sheshimi shyqqan soń qabyldanady», - delingen aqparatta.

Eske salsaq, osyǵan deıin Frantsııanyń elektrondy temekige tyıym salatyndyǵy

habarlanǵan.