Óskemende 16 mln teńge jymqyrǵan balabaqsha esepshisi sottaldy
Qala prokýratýrasy baspasóz qyzmetiniń málimetine súıensek, 38 jastaǵy aıyptalýshyǵa shyqqan sot úkimin tyńdaýǵa basqa da memlekettik balabaqshalardyń esepshileri shaqyryldy.
Belgili bolǵandaı, esepshi aqshany túrli kelisimsharttar boıynsha taýarlar men qyzmetterge tólem retinde kórsetip, óziniń týystary men tanystarynyń banktik shottaryna aýdaryp otyrǵan. Osymen toqtamaı, memlekettik satyp alý júıesinde jalǵan kelisim-sharttar jasap, is júzinde oryndalmaǵan mindettemelerge aqsha aýdara bastaǵan.
«Budan bólek, jumysyn adal oryndaǵan jetkizýshi kompanııalarǵa «aqshany sizderge qatelesip aýdaryp jiberdim» dep óziniń zańǵa qaıshy áreketterinde qoldanyp kelgen. Osylaısha, esepshi 16 mln teńgege jýyq qarajatty qaltaǵa basty», - delingen aqparatta.
Sot úkimi boıynsha aıyptalýshy 5 jylǵa bas bostandyǵynan aıyryldy. Qaraýynda kámelettik jasqa tolmaǵan balalary bolǵandyqtan onyń jazasyn óteý merzimi úsh jylǵa keıinge shegerildi.
Eske salsaq, osyǵan deıin Óskemende zorlanǵany týraly jalǵan aryz jazǵan áıel 4 jylǵa sottalǵany habarlanǵan.