Óskemende 10 kún boıy tramvaılar júrmeıdi

<p>Óskemen qalasynda 10 kún boıy tramvaılar júrmeıdi, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

Relstegi jóndeý jumystaryna baılanysty qalada tramvaılar ýaqytsha toqtaıdy. Bul týraly «Óskemen kólik kompanııasy» JShS-dan málim etti.

«Úlbi kópirinen shyǵa beristerdegi tramvaı joldaryn qaıta jańǵyrtý jumystarynyń bastalýyna baılanysty 10 kún boıy, naqty aıtqanda 4-13 qazan aralyǵynda tramvaılar qatynamaıdy. Ýaqytsha qolaısyzdyqtar úshin turǵyndardan keshirim suraımyz», - delingen aqparatta.

Bul aýmaqtaǵy tramvaı joldaryna jóndeý jumystary sońǵy ret 1995 jyly júrgizilgen. Búginde ýchaskedegi relster jaramsyz kúıde.