Óskemende 10-ǵa jýyq zıratty búldirgen er adam ustaldy

ÓSKEMEN. QazAqparat – Óskemen qalasynda 10-ǵa jýyq zıratty búldirgen er adam ustaldy, dep habarlaıdy QazAqparat tilshisi.

Qalalyq Polıtsııa basqarmasy baspasóz qyzmetiniń málimetine súıensek, zırat tonaýmen aınalysqan 25 jastaǵy jigit ustaldy.Tekserý barysynda er adamnyń kóliginen temir qorshaýlardyń synyqtary tabyldy.

«Polıtsııa qyzmetkerleri jedel-izdestirý is-sharalaryn júrgizip, Ýshanovskıı zıratyna jaqyn jerde «Honda» markaly avtokólikti toqtatty. Kólikten úsh metall qorshaý anyqtalyp, kúdiktige qatysty tergeý amaldary qolǵa alyndy», - delingen aqparatta.

Aldyn ala málimet boıynsha qala turǵynynyń zırattaǵy taǵy segiz urlyqqa qatysy bar. Qazirgi ýaqytta tergeý jalǵasýda. Birqatar saraptama taǵaıyndalǵan.