Óskemendi kesheli beri tútin tumshalap tur

<p>ÓSKEMEN. KAZINFORM &ndash; Óskemen qalasynda jel soqtaı, qala ishin tútin basqanyna eki kún boldy.</p>

23 jeltoqsannan beri Óskemende qolaısyz meteorologııalyq jaǵdaı qalyptasyp tur. Osyndaı kúnderi turǵyndarǵa kóshede kóp júrmeı, úıde terezelerin qymtap otyrýǵa keńes beriledi. 
«Qazgıdromed» RMK málimetine súıensek, erteń de qalada jel soqpaıdy.

— 24 jeltoqsan saǵat 20.00-den 25 jeltoqsan saǵat 20.00-ge deıin Óskemende II dárejeli qolaısyz meteorologııalyq jaǵdaı qalyptasady, — delingen aqparatta. 

Sondyqtan ekologtar men dárigerler aldaǵy ýaqytta halyqqa QMJ kezderindegi saqtyq sharalaryn qaperde ustaý qajettigin eskertti. 

Qarasha aıynda Óskemende halyq tunshyǵyp, al sarapshylar aýa sapasynyń monıtorıngi sylbyr júrgiziletinin synaǵan bolatyn. 

Sondaı-aq Óskemende ekologııa salasyna bólinetin qarajat kólemi ósetini habarlanǵan. 

Qolaısyz meteorologııalyq jaǵdaı kezindegi saqtyq sharalary myna siltemede.