Óskemen turǵynynyń atyna 3 mln teńge nesıe rásimdegen alaıaq ustaldy

ÓSKEMEN. QazAqparat – Óskemen qalasynyń turǵynyna ıpoteka rásimdeýge kómektesemin dep aldap soqqan alaıaq quryqtaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylaryna alaıaqtyqtyń arbaýyna túsken 29 jastaǵy er adam habarlasqan. Óz sózinde ol ıpoteka resimdeýge kómektesemin degen beıtanys jigittiń jeke derekterin paıdalanyp mobıldi qosymsha arqyly onyń atyna 3 000 000 teńge nesıe alǵanyn jetkizdi.

«Jedel-izdestirý sharalaryn júrgizgen polıtsııa qyzmetkerleri kúdiktini qolǵa túsirdi. 25 jastaǵy Óskemen qalasynyń turǵyny óz kinásin moıyndady», - dep habarlady vedomstvo ókilderi.

Qazirgi ýaqytta atalǵan fakti boıynsha QR QK-niń 190-baby 3-bóligine (Alaıaqtyq) sáıkes sotqa deıingi tergeý amaldary bastaldy. Er adam 3 jylǵa deıingi merzimge bas bostandyǵynan aıyrylýy múmkin.

Esterińizge sala ketsek, osyǵan deıin ShQO-da probatsııa qyzmetinen 5 jyl boıy jasyrynyp júrgen er adam ustalǵanyn habarlaǵan edik.