Óskemen turǵyny ıtiniń úıshiginde marıhýana saqtaǵan

ÓSKEMEN. QazAqparat – Óskemen qalasynyń turǵyny ıt úıshiginde esirtki saqtaǵan, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, «Qarasora-2022» jedel-aldyn alý sharasy barysynda esirtki saqtaǵan 46 jastaǵy er adam ustaldy.

«Esirtki qylmysyna qarsy is-qımyl basqarmasynyń qyzmetkerleri QR ulttyq ulany arnaıy bólimshesimen birlesip, Serikbaev kóshesindegi jeke turǵyn úıge tintý júrgizdi. Sol kezde qoranyń ishindegi ıt úıshiginen jasyl tústi ósimdik zat salynǵan eki polımerli túıinshek tabyldy. Saraptama nátıjesine sáıkes, alynǵan zat jalpy salmaǵy 36,97 gramdy quraıtyn keptirilgen marıhýana ekeni belgili boldy», - delingen aqparatta.

Er adamnyń esirtkini odan ári satý maqsatynda saqtaǵany anyqtalyp otyr.

Atalǵan fakti boıynsha QR QK 297-baby 1-bóligimen sotqa deıingi tergeý amaldary bastaldy.