Óskemen turǵyndary soǵysta qaza tapqan batyrlardy eske alyp, 7 myń shyraq jaqty
Dańq memorıalynyń aldynda «Óz shyraǵyńdy jaq» aktsııasy ótti. Bul aktsııa jyl saıynǵy dástúrge aınalǵan.
Alǵashqy shamdy oblys ákimi Danıal Ahmetov pen shahar basshysy Jaqsylyq Omar jaqty.
«Bul mereke – fashızmmen aıamaı kúreskenderge qurmet pen alǵys qana emes, sonymen qatar birliktiń sımvoly. Ardagerler men tyl eńbekkerleri biz úshin batyrlyq pen rýh kúshiniń, óshpes erik-jiger men naǵyz patrıotızmniń úlgisi. Osy kúni olarǵa densaýlyq pen uzaq ǵumyr tileımin! Barlyq shyǵysqazaqstandyqtardy Jeńis kúnimen quttyqtaımyn», - deıdi aımaq basshysy.
Aktsııa barysynda barlyǵy 7199 shyraq jaǵylǵan. Máńgilik alaýdyń aldyndaǵy shamdardyń sýretinde bes buryshty juldyz beınelengen.
Onyń ortasyna Uly Otan soǵysyndaǵy Jeńistiń 77 jyldyǵyn bildiretin 77 sany jazylǵan.
Esterińizge sala ketsek, osyǵan deıin ShQO ákiminiń Semeıdegi ardagerlermen kezdeskenin habarlaǵan edik.