Óskemen turǵynynyń kóligi Ertis ózenine aǵyp ketti

<p>Óskemen qalasy turǵynynyń turaqqa durys qoımaǵan kóligi Ertis ózenine syrǵyp, aǵyp ketti, dep habarlaıdy <a href="Kazinform" target="_blank" rel="noopener">Kazinform</a>.</p>

ShQO Tótenshe jaǵdaılar departamenti baspasóz qyzmetiniń málimetine súıensek, qaladaǵy Samal saıabaǵynda júrgen adamdar Ertis ózeninde aǵyp bara jatqan avtokólikti kórip qalyp, qutqarýshylarǵa habarlasqan.

«Oqıǵa ornyna kelip jetken jedel-qutqarý jasaǵynyń qyzmetkerleri jaǵadan 100 metrdeı jerde aǵyp bara jatqan «Subaru Impreza» markaly kólikti baıqady. Súńgýirler kóliktiń ishin qarap shyqty, onda adam bolǵan joq», - delingen aqparatta.

Keıinnen belgili bolǵandaı, qala turǵyny kóligin turaqqa qoıǵan kezde qaýipsizdik sharalaryn saqtamaǵan. Sonyń saldarynan kólik Ertiske qaraı syrǵyp ketken.