Óskemen turǵynyn aldap, 10 mln teńge nesıe alǵyzǵan alaıaq ustaldy

<p>ÓSKEMEN. KAZINFORM &ndash; Óskemendik áıel kezdesip júrgen jigitine 10 mln teńge nesıe alyp bergen. Alaıda ol buryn sottalǵan alaıaq bolyp shyqty.</p>

ShQO Polıtsııa departamenti baspasóz qyzmetiniń málimetine súıensek, 27 jastaǵy qala turǵyny polıtsııa habarlasqan. Óz sózinde ol buryn birge turǵan jigiti iri kólemde nesıe alǵyzyp, qaıtarmaı júrgenin jetkizdi.

- Belgili bolǵandaı, er adam áýeli túrli syltaýlarmen birneshe ret aqsha surap, belgilengen merzimde qaıtaratynyn ýáde etken. Alaıda qaıtarǵannyń ornyna taǵy da qaryz suraı berdi. Jábirlenýshi sol úshin óz atyna birneshe bankten nesıe rásimdegen. Osynyń saldarynan oǵan keltirilgen jalpy shyǵyn mólsheri 10 mln teńgeni qurady, - delingen aqparatta.

Qazirgi tańda alaıaqtyq faktisi boıynsha qylmystyq is qozǵaldy. Kúdiktiniń buǵan deıin de osyǵan uqsas qylmys jasaǵany úshin sottalǵany anyqtaldy.

Osy rette, polıtseıler azamattarǵa óz qarajatyńyzdy basqaǵa bergen kezde asa saq bolý qajettigin eskertedi. Tipti bul ótinishti jaqyn adamdaryńyz nemese tanystaryńyz jasasa da. Eger kúdikti áreketterge tap bolsańyz nemese alaıaqtyqtyń arbaýyna tússeńiz, dereý quqyq qorǵaý organdaryna habarlasyńyz.

Eske salsaq, osyǵan deıin Óskemende bıznes ashpaq bolǵan jigit alaıaqqa 23 mln teńge bergeni habarlanǵan.