Óskemen turǵyny Petropavldy «jarmaq» boldy

<p>Petropavldy &laquo;jaramyn&raquo; dep &laquo;SOS&raquo; batyrmasy arqyly polıtsııaǵa habarlasqan er adam ustaldy. Kúdikti &ndash;Óskemen turǵyny buǵan deıin de birneshe ret sotty bolǵan, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Soltústik Qazaqstan oblysy Polıtsııa departamenti baspasóz qyzmetiniń málimetinshe, 9 qazan kúni túski ýaqytta bireý polıtsııaǵa habarlasyp, Petropavl qalasyn jaryp jiberetinin aıtqan. Belgisiz adamnyń Qazaqstan Konstıtýtsııasy men Kazahstanskaıa pravda kóshesiniń qıylysynda ornalasqan «SOS» batyrmasyn paıdalanǵany belgili boldy. Oqıǵa ornyna birden patrýldik polıtsııa batalonynyń qyzmetkerleri jetip, telefon shalǵan kúdiktini ustady. Ol Óskemen qalasynyń 44 jastaǵy turǵyny eken. Buǵan deıin ol birneshe ret sottalǵan.

Medıtsınalyq kýálandyrý nátıjesinde er adamnyń mas ekendigi anyqtaldy. Aıtýynsha, mundaı qadamǵa barýyna jeke basyndaǵy qıyndyqtar sebep bolǵan.

Fakti Sotqa deıingi tergep-tekserýdiń biryńǵaı tizilimine «Terrorızm aktisi týraly kórineý jalǵan habarlaý» baby boıynsha tirkeldi. Qazirgi ýaqytta tergeý júrip jatyr.

Polıtseılerdiń aıtýynsha, lańkestik aktisi týraly jalǵan habarlamalar quqyq qorǵaý jáne arnaıy organdardyń jumysyn tejeıdi, habarlamany tekserýge aıtarlyqtaı kúsh jumsalady. Qylmystyń bul túrine 5 myń aılyq eseptik kórsetkish mólsherinde (1 AEK – 3450 teńge) aıyppul nemese 5 jylǵa deıin bas bostandyǵyn shekteý nemese bas bostandyǵynan aıyrý jazasy qarastyrylǵan.