Óskemen turǵyndary iPhone 15 telefonyn arzanǵa alamyz dep alaıaqqa aldanyp qaldy

<p>Óskemen qalasynda 5 adam iPhone 15 telefonyn arzanǵa satyp alamyz dep alaıaqqa aldanyp qaldy, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

Qalalyq prokýratýranyń málimetinshe, Instagram áleýmettik jelisinde ınternet-dúken paraqshasy retinde jasalǵan akkaýntta jańa Iphone 15 PRO markaly telefonnyń arzanǵa satylatyny jazylǵan.

Buǵan sengen azamat qashyqtan tólem jasaý arqyly alaıaqtyń shotyna 650 myń teńge aýdarǵan. Aqshany alǵannan satýshy akkaýnt pen uıaly telefon nómirin buǵattap, múlde joǵalyp ketti.

Dál osy sııaqty taǵy tórt adam aldanyp qaldy. Olardyń árqaısysy Apple kompanııasynyń jańa ónimin alamyz dep 600-700 myń teńgeden tólegen.

Qazir alaıaqty izdeý jumystary júrip jatyr. 

«Alaıaqtar ózderiniń qurbandaryn aldaý úshin túrli tapqyrlyq tanytady. Tsıfrlyq tehnologııalardyń damýyna baılanysty ınternet-alaıaqtyq sany jyl saıyn ósip keledi. Talaı adamdy aldaǵan ákki qylmyskerler de bar. Jedel izdestirý sharalarynyń nátıjesinde, oblys boıynsha jyl kóleminde barlyǵy 131 epızod boıynsha alaıaqtyq jasaǵan 17 alaıaq áshkerelendi», - delingen aqparatta.