Óskemen polıtseıleri joǵalǵan 12 jastaǵy jetkinshekti tapty

ÓSKEMEN. QazAqparat – Óskemen qalasynyń polıtsııa qyzmetkerleri joǵalyp ketken jetkinshekti tapty, dep habarlaıdy QazAqparat tilshisi.

Qalalyq Polıtsııa basqarmasy baspasóz qyzmetiniń málimetine súıensek, «102» jedel arnasyna er adam qońyraý shalǵan. Óz sózinde ol kámeletke tolmaǵan ulynyń sabaqtan keıin úıge oralmaǵandyǵyn jetkizdi.

Dereý oqıǵa ornyna jedel-tergeý toby jiberilgen. Basqarmanyń barlyq qyzmetkerleri balany izdeýge baǵyttaldy.

«Jedel-izdestirý sharalarynyń nátıjesinde jetkinshektiń qaıda ekeni anyqtalǵan. Ol qaladaǵy saýda úıleriniń birinen tabyldy. Belgili bolǵandaı, 12 jastaǵy bala dúken aralap qydyryp júrip, bul jaıly ákesine eskertýdi umytyp ketken», - delingen aqparatta.

Qazirgi ýaqytta bala ata-anasyna aman-esen jetkizildi.