Óskemen ortalyǵynda sý qubyry jaryldy

ÓSKEMEN. QazAqparat - «Óskemen- Sý arnasy» MQK apattyq qyzmetteri keshke bolǵan qalanyń ortalyq aýdandarynyń birinde sýyq sý qubyryndaǵy apatty joıdy.

Eski shoıyn qubyr qatty aıazǵa shydas bermeı jarylyp ketken. Biraq, Dzerjınskıı kóshesiniń turǵyndaryna sýyq sý úzdiksiz berilip turdy, tek aýdandaǵy keıbir kóshelerdegi sýdyń qysymy tómendedi, dep habarlady sý arnasy mekemesi basshynyń orynbasary Indıra Nursábıtova «QazAqparat» HAA tilshisine.

Onyń aıtýynsha, bul - qysqy jylytý maýsymynda qubyrǵa baılanysty oryn alǵan birinshi apat. Qazynalyq kásiporyndaǵy mamannyń aıtýynsha, bul jaǵdaı aýa temperatýrasynyń qyryq gradýsqa deıin kúrt tómendeýinen bolǵan.

Óskemen qalasy ákiminiń orynbasary Erjan Qońyrbaev aıazǵa (-40) qaramastan, kommýnaldyq qyzmettiń shapshań jumysyn maqtady.

E.Qońyrbaevtyń pikirinshe, qazirgi qolaısyz aýa-raıynda (qalyń qar jaýyp, artynan aýa temperatýrasynyń kúrt tómendeýi) qoǵamdyq kólikter adamdar tasyp, óz jumystaryn oıdaǵydaı atqarǵan.

«Biz shynaıy álemde ómir súrýdemiz, sondyqtan túrli máseleler bolyp turady jáne ol máselelerdi sheshilýde», - dep qorytyndylady E.Qońyrbaev.

Osyǵan qaramastan, búgin 87 avtobýs baǵdarǵa shyqpaǵan jáne qalalyq kólik parkterinde jalpy 120 qoǵamdyq kólik toqtap tur.