Óskemen men Semeıde 50 adamnan asyrmaı as berýge ruqsat etildi
Búgin ShQO Bas sanıtar dárigeriniń qaýlysyna ózgerister engizildi.
«Oblys boıynsha «jasyl» aımaqta turǵan qala-aýdandardaǵy qoǵamdyq tamaqtaný oryndaryna toltyrylýyn 50% deıin, jalpy kelýshilerdi 70 adamnan asyrmaı, saǵat 7.00-den 02.00-ge deıin jumys isteýge ruqsat berildi. Al jazǵy alańdar shekteýsiz jumys isteıdi. Banket zaldaryna toltyrylýyn 50%, qonaqtar sanyn 70 adamnan asyrmaı eske alý sharalaryn ótkizýge bolady, - delingen qujatta.
Al «sary» aımaqta turǵan Óskemen, Semeı qalalary men Aıagóz aýdanynda banket zaldarynyń toltyrylýyn 30 paıyzdan, qonaqtardyń jalpy sanyn 50 adamnan asyrmaı as berýge ruqsat etildi.
«Sondaı-aq atalǵan eki qala men aýdandaǵy qoǵamdyq tamaqtaný oryndary toltyrylýyn 50%, jalpy kelýshilerdi 50 adamnan asyrmaı, saǵat 7.00-den 24.00-ge deıin ashyq bolady. Al jazǵy alańdar saǵat 7.00-den 02.00-ge deıin jumys isteıdi, - delingen qaýlyda.
Aıta keteıik, buǵan deıin ShQO Bas sanıtar dárigeriniń jańa qaýlysymen óńirdiń týrıstik nysandaryna qonaqtardy qabyldaýǵa ruqsat etilgen bolatyn.