Óskemen men Semeı arasynda jol jabyldy

ÓSKEMEN. QazAqparat – Óskemen-Semeı tasjoly boranǵa baılanysty jabyldy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, aýa raıynyń qolaısyzdyǵyna, naqty aıtqanda qarly boran, qatty jel men joldyń durys kórinbeýine baılanysty búgin saǵat 18.45-ten bastap respýblıkalyq mańyzy bar «Óskemen-Semeı» tasjolynyń 10-154 shaqyrymynda kóliktiń barlyq túrleri úshin qozǵalys shekteldi.

Bul - Gerasımovka aýylynan Shúlbi aýylyna burylysqa deıingi aralyq.

Eske salsaq, buǵan deıin ShQO-nyń Shemonaıha qalasynan Reseı shekarasyna deıingi jol jabylǵanyn habarlaǵan edik.

Sondaı-aq Abaı oblysyndaǵy eki tasjolda kólik qozǵalysyna tyıym salynǵan.