Óskemen kolledjinde stýdentter jappaı ýlanyp, qylmystyq is qozǵaldy

<p>Óskemen qalasyndaǵy kolledjderdiń birindegi ashanada stýdentter ýlanyp qaldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Qaladaǵy kolledjderdiń birindegi ashanadan tamaq ishken 10 bala ýlanyp qalǵan. Qazirgi ýaqytta bilim ordasynyń stýdentteri 2 kúnge qashyqtan oqytýǵa jiberilip, atalǵan fakti boıynsha polıtsııa qyzmetkerleri qylmystyq is qozǵady.

«11 qazanda qalalyq polıtsııa basqarmasy Úlbi polıtsııa bóliminiń qyzmetkerleri QR Qylmystyq kodeksiniń 304-baby 1-bóligine (Sanıtarlyq erejelerdi nemese gıgıenalyq normalardy buzý) sáıkes sotqa deıingi tergeý amaldaryn bastady. Tıisti saraptamalar men zerthanalyq zertteýler taǵaıyndaldy. Sonyń qorytyndysy boıynsha tıisti sheshim qabyldanady», - deıdi ShQO Polıtsııa departamentiniń baspasóz hatshysy Tatıana Karpova.

Osy rette, ShQO Bilim basqarmasy da oqıǵanyń sebebi anyqtalyp jatqanyn málim etti.