Óskemen qalasynyń jańa logotıpi ázirlendi

ÓSKEMEN. QazAqparat – Óskemenniń jańa logotıpi ázirlendi, dep habarlaıdy QazAqparat tilshisi.

Shahar ákimdiginiń málimetine súıensek, Qazaqstannyń qalalarynda eltańba men basqa da geraldıkalyq sımvoldardyń bolýy qoldanystaǵy zańnamada qarastyrylmaǵan.

Degenmen qarapaıym, zamanaýı jáne de kórkemdik maǵynasy bar biryńǵaı sımvolıka týrıstik tartymdylyq pen jalpy qalanyń ımıdjin qalyptastyrýǵa septigin tıgedi.

«Osyny eskere otyryp, tıisti mamandardy tartý arqyly resmı is-sharalar men qujattarda, sondaı-aq, kádesyı jáne basqa da atrıbýtıkany brendteýde qoldanylatyn logotıp ázirlendi. Logotıpte Altaı taýlary men Úlbi ózeniniń Ertiske quıar saǵasy beınelengen» delingen aqparatta.