Óskemen qalasy ákiminiń jańa orynbasary taǵaıyndaldy
16:00, 11 Jeltoqsan 2020
ÓSKEMEN. QazAqparat – Óskemen qalasynyń ákimi Jaqsylyq Omar óziniń jańa orynbasaryn taǵaıyndaldy, dep habarlaıdy QazAqparat tilshisi.
Óskemen qalasy ákiminiń orynbasary bolyp Denıs Fedchenko taǵaıyndaldy. Bul jaıly shahar basshysy Instagram jelisindegi jeke paraqshasynda jazdy.
«Denıs Vıktorovıch Óskemenniń týmasy. Ol 14 jyldan astam ýaqyt kommýnaldyq salada jumys istegen. «Óskemen Tártip» memlekettik kommýnaldyq kásipornynyń basshysy retinde qaladaǵy barlyq máselelermen etene tanysty. Sońǵy jyldary ol barlyq fılıaldardyń jumysyn qadaǵalap, aýmaqtyq basqarý ortalyǵy bastyǵynyń orynbasary qyzmetin atqardy. Bul salada mol tájirıbe jınady», - dedi Jaqsylyq Omar.
Onyń aıtýynsha, Denıs Fedchenko qurylys, sáýlet, jer qatynastary, turǵyn úı-kommýnaldyq sharýashylyq, qoǵamdyq kólikter men avtomobıl joldary máselelerine jaýapty.