Óskemen halqynyń qoqys shyǵarý qyzmetine qaryzy 60 mln teńgege jetti

ÓSKEMEN. QazAqparat – Óskemen qalasy turǵyndarynyń qoqys shyǵarý úshin qaryzy 60 mln teńgege jetti, dep habarlaıdy QazAqparat tilshisi.

«Óskemenspetskommýntrans» kásipornyna qoqys shyǵarý úshin qala halqynyń jalpy qaryzy naýryz aıyndaǵy jaǵdaı boıynsha 60 mln teńgege jetken.

Dese de, soǵan qaramastan turǵyn úıler mańyndaǵy konteınerlerdegi qoqys ýaqtyly shyǵarylýda.

«Búginde qoqys shyǵarý tarıfi bir adamǵa 211 teńgeni quraıdy. Biraq abonentterdiń 70%-ǵa jýyǵy ǵana qyzmet aqysyn tóleıdi», - dep habarlady kompanııa ókilderi.

Aıta keteıik, aqsha ár aıdyń 25-inen keshiktirmeı tólenýi kerek.

Turǵyndar qaryz somasy men jeke shot nómirin 8(7232)-57-53-32 nómiri arqyly bile alady.

Esterińizge sala ketsek, osyǵan deıin Óskemende qoqys jaǵatyn zaýyt salynbaıtynyn habarlaǵan edik.