Óskemen dúkenderine azyq-túliktiń shekti baǵasy usynyldy

ÓSKEMEN. QazAqparat – Óskemen dúkenderindegi áleýmettik mańyzy bar azyq-túliktiń shekti baǵasy usynyldy, dep habarlaıdy QazAqparat tilshisi.

Óskemendegi saýda oryndarynda áleýmettik mańyzy bar azyq-túlik baǵasynyń qymbattaýyna jol bermes úshin turaqty túrde monıtorıng júrgizilýde.

Sonyń aıasynda kásipkerlerge 19 túrli taýardyń baǵasy óndirýshiniń nemese jetkizýshiniń satý qunynyń 15 paıyzynan asyrylmaýy tıistigi túsindirilip jatyr.

«Sondaı-aq dúkenderge usynylatyn baǵa kórsetilgen ónimder tizimi berilip jatyr. Mysaly, bir jetkizýshide qanttyń kelisi 380 teńge, ekinshisinde 340 teńge bolsa, biz ortasha baǵa retinde 350 teńge dep aldyq. Osy baǵaǵa 15 paıyz qosyp satýǵa bolady», - deıdi Qazaqstan saýda kásiporyndary qaýymdastyǵy ShQO boıynsha ókildiginiń dırektory Vladımır Berdnık.

Onyń aıtýynsha, birinshi surypty bıdaıdyń usynylǵan baǵasy – 184 teńge, rojkı – 325 teńge, qaraqumyq jarmasy – 590 teńge, kúnbaǵys maıy – 805 teńge, sıyr eti – 2300 teńge, jumsaq qaptamadaǵy maılylyǵy 2,5% pasterlengen sút – 345 teńge.

Endi azyq-túliktiń shekti baǵasy jazylǵan qaǵaz dúken sóresi men kireberiske qoıylady.

Osylaısha, turǵyndar baǵanyń qymbattyǵyn baıqasa birden 8-705-280-45-13 telefon nómirine habarlasyp, aryzdana alady.