Óskemen áýejaıynan bomba tabylmady

ÓSKEMEN. QazAqparat – Óskemen qalasyndaǵy áýejaıdan jarylǵysh zat tabylmady, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, 8 maýsym kúni saǵat 15.32-de «102» jedel arnasyna Óskemen áýejaıynda bagajdy skanerlegen kezde kúdikti zat tabylǵany týraly habar túsken.

«Oqıǵa ornyna shuǵyl túrde kelip jetken arnaıy mamandar tekserý júrgizdi. Sonyń nátıjesinde, eshqandaı jarylǵysh zat tabylmady», - dep habarlady vedomstvo ókilderi.

Habar túsisimen áýejaı jumysy toqtatylǵan edi. Kelýshiler men qyzmetkerler túgel evakýatsııalanǵan. Qazirgi ýaqytta áýejaı jumysy qaıta jandandy.

Esterińizge sala ketsek, osyǵan deıin Óskemen áýejaıynan kúdikti zat tabylyp, halyq evakýatsııalanǵanyn habarlaǵan edik.